Aste honetan eskualdeko bi igerilekuetan, taldean hasi nahi dutenentzat proba batzuk egingo dituzte eta zalantzak argitu. Tolosako Usabal eta Villabonako Olaederra kiroldegietan, irailaren 7an eta 8an, 16:00etan izango da hitzordua, kiroldegiko sarreretan. Bainujantzia, txanoa eta betaurrekoak eramatea nahikoa dela adierazi dute igeriketa eskolako arduradunek, eta ez dela aurretik deitu behar.
Ordutegi hori egokia ez balitz, 688 807 405 telefono zenbakira deitu eta hitzordu berri bat adosteko aukera izan daitekeela azaldu dute igeriketa eskolako arduradunek.