Epaileak baldintzapean aske utzi ditu Zizurkilen asteburuan salatutako lapurreta eta sexu erasoagatik atxilotuta zeuden bi gizonak. Emakume bati lapurreta eta sexu abusua egitea egotzita atxilotu ondoren, Tolosako epailearen aurretik igaro dira gaur goizean, eta azkenean, baldintzapean libre gelditu dira.
Biktima Villabonako jaietatik etxera zihoala egin zioten eraso, igande goizaldean, eta Ertzaintzak berehala ikerketa abiatu zuen gertaeraren nondik norakoak argitzeko. Horrez gain, Ertzaintzak beste bi ikerketa ere ditu zabalik, Villabonako Santio jaietan salatutako erasoengatik.