Orio hasieratik jarri da aurrean eta lehen postuan egin du ziaboga, eta zazpi segundo atera dizkio Donostia Arraun Lagunaki. Postua mantendu du bukaera arte, ia hamar segundo atereaz bigarrenari. Tolosaldea traineruak ziabogan ere laugarren egin du, hirugarren egin duen Donostiarratik 11 segundora, eta ezin izan zaio gerturatu nahi bezainbeste bigarren luzean. Azkenean, ia bederatzi segundora bukatu du eskualdeko traineruak hirugarren postutik. Ondorengoak izan dira Orioko XXII. Emakumezkoen Estropada - Orio Kanpina X. Banderan lortutako emaitzak:
- 1. Orio 11.00,32
- 2. Donostia Arraun Lagunak 11.10,16
- 3. Donostiarra 11.21,50
- 4. Tolosaldea 11.30,26
Sailkapenean, beraz, pixka bat alde egin dio hirugarren postuak Tolosaldeari. Sei puntu ditu orain, eta Donostiarrak bederatzi. Orio jarri da lehen postuan gaurko garaipenarekin, eta orain 18 puntu ditu. Donostia Arraun Lagunak trainerua, 17 punturekin, bigarren jarri da.