Oier Urkola anoetarrak irabazi zuen gizonezkoetan, ezustekoa emanez, ez baitzegoen faboritoen artean. Emakumezkoetan Alaitz Imaz hernialdetarra izan zen azkarrena. Segundo baten barruan erabaki zen txapela gizonezkoetan, lehen hiruren arteko denboren artean ehunenekoen aldea izan baitzen. Urkolaren ondoren Mikel Lizartza tolosarra sailkatu zen, eta hirugarren Julen Gabirondo izan zen. Ondoren, Jon Otegi, Iñigo Mercader, Iban Pardo eta Suharri Irazustabarrena sailkatu ziren.
Emakumezkoetan ez zen horrelako bukaera esturik izan. Alaitz Imaz irabazlearen ondoren, Irati Astondoa eta Ainara Otamendi ibartarra sailkatu ziren. Laugarren Luixa Uzkudun leaburuarra izan zen eta bosgarren Jugats Agirre berastegiarra.
LIZARTZA, EUSKAL HERRIKOAN
Sega txapelketek ez dute etenik eta igande honetan jokatuko da gizonezkoen Euskal Herriko Txapelketa, ohiko eran. Bertan parte hartuko du Mikel Lizartza tolosarrak eta bere aurkariak Gipuzkoako Txapelketan izan zituen berberak izango dira: Julen Gabirondo, Jon Otegi eta Iban Pardo.
Txapelketa Aian jokatuko da, Andatza auzoan, eta 12:00etan hasiko da. Gabirondo izango da faboritoa, berak irabazi baitzuen Gipuzkoako Txapelketa. Orduan Otegi izan zen bigarren eta oso gertu sailkatu zen Otegi. Laugarren postuan geratu zen Lizartza lehia horretan.
Argazkiak: Gipuzkoako Herri Kirolen Federazioa