Ostegunean jokatuko da Binakako San Fermin Txapelketako finala, 17:00etan, Iruñeko Labriten. Sei bikote aritu dira lehian, eta horietatik finalerako Altuna III-Rezusta eta Artola-Mariezkurrena II.a sailkatu dira.
Iñaki Artola ez zen txapelketa jokatzeko aukeratua izan, hasiera batean. Unai Lasoren lesioak, ordea, alegiarrari Mariezkurrena II.arekin bikotea osatzeko aukera eman zion. Ezkurdia-Martijari erraz irabazi ondoren, atzo 10 tanto egitea nahikoa zituzten finalean egoteko. Jaka-Arangurenen aurkako partida erabakigarria orekatua izan zen. 70 minutu iraun zituen lehiak eta 536 pilotakada jo zituzten. Jaka-Aranguren bikoteak 14 tanto egin eta 9 galdu zituen. Artola-Mariezkurrena II.ak 13 egin eta 6 galdu zituen.