A Coruñan lehiatu da gaur arratsaldean, 18:00etan hasita, Euskotren Liga. Gaurko estropadan Orio gailendu da eta atzetik izan ditu Donostia eta Arraun Lagunak. Azken postua Tolosaldea Arraun Klubarentzat izan da. Euskotren Ligako sailkapen orokorra beraz, honela gelditu da gaur gaurkoz: Orio (11), Arraun Lagunak (10), Donostiarra (6) eta Tolosaldea (3).
Izan ere, asteburuan jardunaldi bikoitza jokatuko da eta bihar bertan beste estropada baterako prestatu beharko dira arraunlariak. Itsasoa esanda baino bareago aurkitu dute arraunlariek, eta bihar ere, horrela mantentzea espero dute.
Gaurko jardunaldiari begira, Orio lehen momentutik lasterketa buruan kokatu da, zuloa bigarren minuturako irekiz gainontzeko lehiakideekiko, eta horrek ahalbidetu dio garaipen garbia eskuratzea. Tolosaldea lehen ziabogatik laugarren postuan kokatu da. Eta horrela amaitu du estropada hirugarrenetik 3 segundora.
Tolosaldeak gaurkoan patroi aldaketa izan du eta Olaia Barriuso aritu da nesken gidari.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
