Bertan, 750 metro igeri osatu zituzten Lanuza laku ederrean, 20 kilometro bizikletaz Formigal inguruan eta 5 kilometro korrika Sallent herrian bertan.
Triatletek emaitza bikainak eskuratu zituzten, batez ere, emakumezkoetan. Pili Esnaolak 2. postua lortu zuen beterano 2. mailan (V2), eta emaitza bera eskuratu zuen Olatz Arregik beterano 1. mailan (V1). Esnaola eta Arregirekin batera, Aratz Urkola triatleta gazteak ere parte hartu zuen, eta hirurek egindako lan bikainari esker, emakumezkoen taldeko sailkapenean 3. postua eskuratu zuten.
Gizonezkoetan, aipatzekoa Joxean Montoyaren garaipena beterano (V2) mailan. Asier Capa eta Beñat Azaldegi maila bikainean aritu ziren sailkapen nagusiko 12. eta 27. postuak eskuratuaz. Asier Mujikak ezin izan zuen lasterketa bukatu mina hartuta baitzegoen.