Enpresa adar bakoitzetik pilotari bana sailkatzen da finalerako, eta Jon Ander Peña tolosarrak aukerak izan baditu ere, ez du lortu finalerdian Lasori irabaztea. Lasok 22-15 irabazi zion Peña II.ari igandean Irunen jokatutako partidan. Aurretik, ostiralean, Lasok 22-11 Artolari irabazi zion.
Torneoaren finalean, Laso izango da, beraz, Baikoko ordezkaria, eta Aspekoa Ezkurdia izango da. Azken honek Peio Etxeberriari irabazi zion finalerdian, eta aurretik Peio Etxeberriak Altuna III.a garaitu zuen.
Uztailaren 7an, San Fermin Egunean, izen bereko lau eta erdiko torneoa jokatuko da, eta ez da eskualdeko pilotaririk izango.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!