Uzkudun eta Arrospide leaburuarrak izan dira garaileak

Almitza Sega Elkarteak antolatuta, Elorrion jokatu da I. Emakumeen Binakako Sega-Sail Lehiaketa, eta bertan sei bikotek parte hartu dute. Lehen txapelak eskualdera etorri dira, Luixa Uzkudun eta Izadi Arrospide leaburuarrek lortu baitute irabaztea.

Uzkudunek eta Arrospidek 16.00ko denbora behar izan dute 300 metro karratuko saila ebakitzeko. Bigarrenak Maide Garmendia eta Uxue Iruretagoiena izan dira, 17.03ko denbora eginez. Hirugarren postua Malou Henriksen eta Susana Lopezentzat izan da 17.29rekin. Laugarren postuan Irati Astondoa eta Jugatx Agirre berastegiarra sailkatu dira 17.42rekin. Bosgarren postua Alaitz Imaz hernialdearra eta Graxi Elosegirentzat izan da, 18.03ko denbora eginez. Azkenik, seigarren postuan sailkatu dira Ainara Otamendi ibartarra eta Angels Breto, 18.34rekin.

Almitzatik azaldu dutenez, «saio bikaina» burutu zuten hamabi segalariek eta nabarmendu du hainbat parte hartzailerentzat lehendabiziko aldia zela lan luzean lehiatzen.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!