Finala, ETB1ko kamerak zuzenean direla, uztailaren 9an jokatuko da, 12.00etan, Labriten, jaiaren epizentro betean. Baina San Fermin Torneoa ez da Iruñera mugatzen, maila handiko bi finalerdi jokatuko baitira Nafarroako beste bi herritan. Lehenengoan, eskualdeko bi pilotari ariko dira, bikote eginez. Miren Larrarte bidaniarrak eta Itxaso Erasun zizurkildarrak Aldai-Mendiburu bikotearen aurka jokatuko dute, igande honetan, Tafallako Eretan. Uztailaren 1ean Mendabian jokatuko da beste finalerdia, Arrizabalaga-Oses eta Garai-Gaminde bikoteen artean.
Parte hartuko duten pilotari guztiez gain, Maria Caballero, Iruñeko Udaleko kirol zinegotzia, Fernando Aranguren, Iruñeko Udaleko kirol eta gazteria zinegotzi berezia, Maitane Bueno, Nafarroako Laboral Kutxako zonaldeko zuzendaria eta Paco Caballero, Nafarroako Pilota Federazioaren ordezkaria, izan dira San Fermin Torneoaren aurkezpenean.