Aburuzak irabazi du XXI. Sagardo Lehiaketa

Aburuzak irabazi du XXI. Sagardo Lehiaketa. Iturria: Gipuzkoa-Gure Lurra

Adunako Aburuza sagardotegiak irabazi du Gipuzkoako Foru Aldundiaren XXI. Sagardo Lehiaketa. 10 sagardotegi izan dira finalistak, tartean Tolosako Isastegi, baina azkenean Aburuzak eskuratu du puntu gehien.

Gipuzkoako Foru Aldundiak antolatutako XXI. Sagardo Lehiaketan 18 sagardotegik hartu dute parte, eta horietatik 10 izan dira finalistak, tartean Tolosako Isastegi. Aurreko urteetan bezala, Fraisoro Laborategiko sei dastatzailek osatutako epaimahai batek egin du sagardoen aukeraketa, eta haiek izan dira sagardoa urre, zilar eta brontze mailatan sailkatzeko arduradunak. Horretarako aurretik analisi fisiko-kimikoa egin zaie aurkeztutako sagardo guztiei, hori ezinbesteko baldintza baita fase organoleptikora igarotzeko. Epaimahaiak Aburuzak egindako sagardoaren kalitate analitikoa eta organoleptikoa nabarmendu ditu. 

Saritutako sagardotegiek zigilu bat eraman ahal izango dute botiletan datorren urtean, urre, zilar eta brontzezko sailkapena ikusteko.

Albiste hau ATARIKIDEei esker argitaratu dezakegu. Haiei esker Tolosaldeko albisteak libre, euskaraz eta kalitatez irakurtzen dituzu. Horrela izaten jarraitzeko eman babesa Tolosaldeko Atariari eta ZU ERE IZAN ZAITEZ ATARIKIDE.

#EgitenDuzunaGara


EGIN ATARIKIDE!