Lehenengo partidan, Enara Macicior (Hernani) eta Izaro Etxarri (Txulobi) bikoak Julene Inunciaga (Hori-Hori) eta Irati Tejeria (Behar Zana) izango ditu aurkari. Bigarren partidan, Laia Garmendia (Hernani) eta Alaitz Navarro (Txulobi) bikoak Sara Iruretagoiena (Behar Zana) eta Ane Kerejeta (Hernani) izango dituzte aurkari.
Hutsune bat betetzeko antolatu da txapelketa, Behar Zana eta Txulobi elkarteen artean. Izan ere, bestela kadete eta jubenil mailetako neskek ezingo zuten lehiaketarik jokatu Aste Santutik urrira bitartean. "Oso positibo izan da txapelketa egitea", azaldu dute antolakuntzatik. "Hamabi-hamahiru jardunaldi izan Adunan eta Villabonan, eta finalerdiak eta finala Adunan jokatuko dira. Pilotarien beharrak asetu ditugula uste dugu, eta inguruko herrietakoek ere ikusi dituzte neska pilotariak jokoan. Hain justu, emakumezkoen kirola ere sustatu nahi genuen txapelketa honen bidez".