‘Pirinioetako Bidea’ ekimena antolatu du Gure Eskuk uztailaren 2rako Kataluniako zenbait erakunderekin batera. Euskal herritarrek eta kataluniarrek, 300 gailur argiztatuko dituzte, eta Tolosaldeko herritarren kasuan, Oianberri, Urkidi eta Zipuru dira egokitutako mendiak.
Hiru mendiak Arantza herriaren inguruan daude, eta hura izango da gure kanpamentu nagusia. Bertara joateko eta etortzeko autobus zerbitzua jarri dute. Tolosako Aroztegieta kalean Gure Eskuk duen lokalean eman ahalko da izena. Ostegunetan eta ostiraletan 18:00etatik 20:30era eta larunbatetan 10:30etik 13:30era egin ahalko da. Norbere kontura ere joan ahalko dute horrela nahi dutenek.