Leitzan hasi eta bukatzen den proba da Euskal Herria Mendi Erronka. 67 kilometroko ibilbidea du eta 7.200 metroko desnibela. Larunbatean jokatu zen, eta bi modalitate ditu, banaka eta erreleboka. Azken hau mistoa izaten da, emakumeen parte hartzea bultzatzeko. Banaka gizonezkoetan izan da irabazlea Artola, 6.56.49ko denborarekin. Asier Rajado andoaindarra (7.02.56) izan da bigarren, eta Jon Zabaleta leitzarra (7.05.37) hirugarren.
Zubillagak Lujanbio goizuetarrarekin parte hartu du erreleboka, eta 6.50.59 eginez lortu dute irabaztea. Leire Agirrezabala ibartarra izan da hirugarrena, Iñigo Uribetxerria legazpiarrarekin batera, 7.17.24ko denborarekin. Bigarrenak, Leire Baraibar aresoarra eta Mikel Etxeberria zumaiarra izan dira, 7.03.07ko denborarekin.