Partida oso ona jokatuta, 22-7 irabazi zion Agirreri, eta beraz, txapelketaren azken fasean egongo da pilotari alegiarra.
Iñaki Artolak Lau eta Erdiko San Fermin torneoko aurrekanporaketako partida jokatu zuen larunbatean, Zubiriko Esteribar pilotalekuan. Agirre izan zuen aurkari, eta pilotari alegiarra jaun eta jabe izan zen: 19 tanto egin zituen, eta azkenean, 22-7 irabazi zion Agirreri.
Bestalde, pasa den astean egin zioten ebakuntza Jokin Altunari, ezker eskuko hatz erakuslean zuen nodulua zela eta. Ebakuntza ondo irten zen eta pilotari amezketarrak alta jaso zuen.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!