Kanporaketa osoa kontuan hartuta, Amezketak 4-2 irabazi zion Oñatiri eta Tolosak ere 4-2 Zestoari. Bere aldetik, Amasa-Villabonak 0-6 galdu du Ataunen aurka, eta Alegiak 2-4 Andoainen kontra.
Final-laurdenetan, Amezketak Oiartzun izango du aurkari. Joaneko partidak Amezketako Larrunarri frontoian jokatuko dituzte, bihar, 18:00etan hasita. Tolosak Azkoitiaren aurka jokatuko du, eta joaneko jardunaldia Azkoitiko Gurea frontoian jokatuko da, bihar, 22:00etatik aurrera.
TOLOSA, GOMAZKO PALETAN
Final-laurdenetako lehen jardunaldia jokatu dute gomazko paletako modalitatean. Tolosa Hernaniren aurka ari da lehian eta joaneko jardunaldian 2-1 galdu zuen asteburuan. Zehazki, banaka 20-18 galdu zuen, binaka 18-20 irabazi, eta banaka zazpi koadroren barruan, 20-13 galdu. Itzulerako jardunaldia larunbatean izango da, 09:30ean hasita, Beotibar frontoian.
Eskualdeko lau herri ari ziren parte hartzen Herriarteko Pilota Txapelketako eskuzko modalitatean, eta horietatik Amezketak eta Tolosak egin dute aurrera. Beraz, Amasa-Villabonari eta Alegiari aurtengo ibilbidea bukatu zaie.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!