Euskadiko turismo sektoreko 530 erakunde eta profesionalek egindako lana aitortu du Eusko Jaurlaritzako Turismo, Merkataritza eta Kontsumo Sailak, Euskadiko Kode Etikoa ziurtagiria emanaz. Eragile turistikoek beren egunerokoan erantzukizun eta jasangarritasun irizpide eta konpromisoak integratzea du helburu programak.
Orain arte banaka lantzen ziren konpromiso tresna guztiak bateratzen ditu Kode Etikoak, hala nola, IKT, irisgarritasun, kalitateko jardunbide edo Smart Business bihurtzeko programak. Tolosaldeko 17 eragilek izenpetu dituzte Euskadiko Kode Etikoaren konpromisoak:
- Bide-bide
- Eguzkitza Sagardotegia
- Hika Txakolindegia
- Iriarte Jauregia
- Iturri-ondo jatetxea
- Lete-apartamentuak
- Overtrails
- Saskarate landetxea
- Txindokiko-Itzala
- Fagus-Alkiza
- Iriarte Jatetxea
- Korteta landetxea
- Orexako ostatua
- Rafa Gorrotxategi
- TOPIC Museoa
- Ur-mara Museoa
- Tolosaldeko Turismo Bulegoa
Hurrengo urteko programan izena emateko epea zabalik dagoela gogoratu du Tolosaldea Garatzenek. Interesa duten establezimenduek Turismo Sailarekin harremanetan jarri behar dira.