Hitzak:
Zenbat pandero hots
zenbat trikiti kantu
ez ote ditugu
hiltzera kondenatu.
Amonen ametsak
antzutu zein mututu
amak zokoratu
ilunpera makurtu.
Gaur kantuz gatoz
kantatu ezin izan zuten andre haien
alabak gara,
kantatu ezin izan zuten andre haien
ahotsak gara,
kantatu ezin izan zuten andre haien
ametsak gara.
Iraganeko aldapa, debeku, azpikogona,
iluntasuna eta ezina bihurtzen gabiltza.
Geroko lautada, aukera,
minigona, argitasuna, ezinez ekiña.
Goazen kalera beti aurrera denok batera,
isildutakoak esatera.
Goazen kalera beti aurrera denok batera,
panderoa gogoz astintzera.
Goazen kalera beti aurrera denok batera,
isildutakoak esatera.
Goazen kalera beti aurrera denok batera,
inor bagarela aitortzera.