Beste finalerdia, Afantxo eta Antiguoko taldeen artekoa, azken horrek irabazi zuen, 3-2. Beraz, Lauburu Ibarrak Antiguoko izango du Gipuzkoako Kopako finalean. Partida hori larunbatean jokatuko da, 18:45ean hasita, Donostiako Aldapeta ikastetxean.
TEEP Tolosala, igoera fasean
Denboraldia ez da oraindik amaitu TEEP Tolosalarentzat, Euskal Ligara igotzeko aukera baitu. Igoera faseko finalerdia jokatuko du Lasarteko Eguzki taldearen aurka, joan-etorriko partidetan. Joanekoa Lasarten jokatuko dute, bihar, 20:50ean. Itzulerakoa maiatzaren 20an izango da, Uzturpe frontoian. Finalera pasatzen denak Euskal Ligara igotzeko postua lortuko du.