June Aiestaran txapeldunarekin batera, Gipuzkoa ordezkatuz hartuko du parte Mendiluzek, ekainaren 18an, Euskal Herriko Eskolarteko Txapelketan.
Atzo ospatu zen Gipuzkoako Eskolarteko Bertsolari Txapelketako finala Lasturren. June Aiestaran nagusitu zen eta bigarren geratu zen Jon Mendiluze irurarra. Txapelduna eta txapeldunordea, beraz, ekainaren 18, Abadiñon jokatuko den Euskal Herriko Eskolarteko Txapelketan izango dira, lurraldea ordezkatzen.
Atzoko finalean, Mendiluzez gain, Danel Etxeberria tolosarra ere kantuan aritu zen. Horiekin batera lehiatu ziren Naia Arrizabalaga, Amets Aizpurua eta Aratz Lasa ere.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!