XXIII. Aiztondo Pilota Topaketak baditu irabazleak. Otsailean hasi zen Aiztondo bailarako pilota elkarte eta pilota eskolen artean antolatutako txapelketa, eta gaur jokatu dituzte finalak Zizurkilgo Intxaur pilotalekuan.
Aurrebenjamin mailan, Odei Traore eta Irai Urizar (Amasa-Villabona) izan dira garaile Aratz Ruiz eta Zumai Agirreren (Aduna) aurka. 16-11 irabazi dute.
Benjamin mailan, Igotz Urruzola eta Adei San Sebastianek (Alkiza) 16-6 irabazi dute Enaitz Alkorta eta Axel Carrilloren (Aduna) aurka. 
Alebinetan, palaz, Elaia Zabala eta Amets Bejarano (Asteasu) izan dira garaileak, Aiara eta Xabat Aburuzaren (Aduna) aurkako partidan, 16-12 eginez.
Alebinetan, eskuz, Beñat Eizagirre eta Alain Urkola (Larraul eta Asteasu) 16-10 nagusitu dira Xuhar Iparragirre eta Oihan Aburuzaren (Aduna) aurka; eta infantil mailan, Aner Arrieta eta Adur Otaegik (Amasa-Villabona eta Larraul) 18-9 irabazi dute Aitor Larrarte eta Eñaut Oñateren (Amasa-Villabona) aurka.
Guztira, 56 bikotek hartu dute parte aurtengo txapelketan, hau da, 100 pilotaritik gora aritu dira: aurrebenjamin mailan, 13 bikote izan dira; benjamin mailan, 12; alebin mailan, palaz, 9; alebin mailan, eskuz, 17; eta infantil mailan, 5. Finalak ikusmin handia sortu dute, eta jendez bete da pilotalekua.
