Osasun Sailak emandako datuen arabera, martxoaren 28tik apirilaren 3ra 64 positibo atzeman dituzte Tolosaldean. Araban, Bizkaian eta Gipuzkoan 3.222 positibo izan dira. 377koa da azken hamalau eguneko intzidentzia tasa. Une honetan, 130 pertsona daude ospitaleetan, horietatik, 12 pertsona ZIUetan, eta azken astean 22 pertsona hil direla COVID-aren ondorioz jakinarazi dute. Atzokoan, 1.978 test egin zituzten, eta 186 positibo izan ziren.
Tolosaldeari begiratuta, Aduna, Alkiza, Belauntza, Larraul eta Orexa daude eremu berdean, eta horiekin batera, Alegian, Altzon, Baliarrainen, Berastegin, Berrobin, Elduainen, Hernialden, Lizartzan eta Orendainen ez dute azken astean positiborik atzeman.
Osasun eremuei begiratuta, guztiak daude gorrian, eta Tolosaldekoak 374ko intzidentzia tasa du. 5.000 biztanle baino gehiagoko eskualdeko herrien kasuan, Amasa-Villabonak 321eko intzidentzia tasa du, eta Tolosak 402koa.