Amezketako Zazpi Iturrik Larraunen aurka jokatuko du, 11:00etan, Amezketan. Hiru mailatan izango dira partidak: kadeteetan Ruiz-Karrera izango da etxeko bikotea, jubeniletan Gorostidi-Plazaola, eta afizionatuetan Zabala-Beloki. Bestetik, Amasa-Villabonako Behar Zana Pilota Elkarteak Gasteizko Txukun Lakuaren aurka jokatuko du, 17:00etan, Hernanin. Ondorengo pilotariek jokatuko dute Behar Zanarekin: kadeteetan Peio Aranburuk eta Urko Otaegik, jubeniletan Eñaut eta Oier Aranburu anaiek, eta nagusien mailan, Xabier Urbietak eta Jon Erasunek. Txukun Lakuako pilotariek, Espainiako Txapelketako finalerdiak jokatuko dituzte larunbatean.
Igandean bertan, Behar Zana Pilota Elkarteko Eneko Maiz pilotariak, Iparraldeko Lehen Mailako finala jokatuko du, trinketean. Banaka trinketean ezagutzen den txapelketa garrantzitsuena da.