Osasun Sailak emandako datuen arabera, martxoaren 21tik 27ra 117 positibo atzeman dituzte Tolosaldean. Araban, Bizkaian eta Gipuzkoan 5.083 positibo izan dira. 481ekoa da azken hamalau eguneko intzidentzia tasa. Une honetan, 158 pertsona daude ospitaleetan, horietatik, 16 pertsona ZIUetan, eta azken astean 18 pertsona hil direla COVID-aren ondorioz jakinarazi dute. Atzokoan, 2.600 test egin zituzten, eta 301 positibo izan ziren.
Tolosaldeari begiratuta, Abaltzisketa, Albiztur eta Larraul eta Leaburu-Txaraman daude eremu berdean, eta horiekin batera, Adunan, Alkizan, Belauntzan, Ikaztegietan eta Orexan ez dute azken astean positiborik atzeman.
Osasun eremuei begiratuta, guztiak daude gorrian, eta Tolosaldekoak 602ko intzidentzia tasa du. 5.000 biztanle baino gehiagoko eskualdeko herrien kasuan, Amasa-Villabonak 523ko intzidentzia tasa du, eta Tolosak 752koa.