Izkingileen Uztai Liga hasi da eta dagoeneko bi jardunaldi izan dira jokoan. Bigarrengoa asteburuan egin zen, Alagonen (Zaragoza, Espainia), eta bertan Zuhaitz Rotea asteasuarrak bigarren postua lortu zuen, Peraltako Julen Rueterekin bikotea osatuz. Behiari adarrean zazpi uztai sartu zizkioten. Alagoneko Uztai Txapelketan Ander Lizarralde billabonatarrak eta berarekin parte hartzen duen Xabier Iturralde azpeitiarrak zazpigarren izan ziren.
Uztai Txapelketako Lehenengo jardunaldia Fiteron (Nafarroa) izan zen, eta orduan Lizarralde eta Iturralde txapeldunak izan ziren. Jardunaldi horretan ez zuten parte hartu Rotetak eta Ruetek.
Argazkiak: A. O. J. eta Sonia y Marta