Osasun Sailak emandako datuen arabera, martxoaren 7tik 13ra 309 positibo atzeman dituzte Tolosaldean. Araban, Bizkaian eta Gipuzkoan 5.197 positibo izan dira. 425ekoa da azken hamalau eguneko intzidentzia tasa. Une honetan, 176 pertsona daude ospitaleetan, horietatik, 26 pertsona ZIUetan, eta azken astean 31 pertsona hil dira COVID-aren ondorioz. Atzokoan, 3.039 test egin zituzten, eta 428 positibo izan ziren.
Tolosaldeari begiratuta, Abaltzisketa, Baliarrain, Gaztelu eta Larraul daude eremu berdean, eta horiekin batera, Albizturren, Belauntzan, Elduainen eta Ikaztegietan ez dute azken astean positiborik atzeman.
Osasun eremuei begiratuta, guztiak daude gorrian, eta Tolosaldekoak 930eko intzidentzia tasa du. 5.000 biztanle baino gehiagoko eskualdeko herrien kasuan, Amasa-Villabonak 608ko intzidentzia tasa du, eta Tolosak 1541ekoa.