Oargi Mendi Elkarteak irteera berri bat antolatu du martxoaren 20rako (igandea). 9:00etan aterako dira Usabal Kiroldegitik. Arditurriko meategietatik hasiko dute igoera eta bokaminako korridoretik hasi eta bretxako korridoretik jarraituko dute; ondoren, tontor guztietara igo eta berriro Arditurrira jaitsiko dira. 5-6 ordu inguruko itzulia izango dela aurreratu dute antolatzaileek. "Ez du zailtasun berezirik, baina harrietatik igo eta jaitsi beharko dugu", abisatu dute.
Irteeran parte hartzeko asmoa dutenek, osteguna baino lehen eman behar dute izena, oargimendi@gmail.com helbide elektronikora mezua bidaliz edo 688 698 642 telefono zenbakira deituz.