Osasun Sailak emandako datuen arabera, otsailaren 14tik 20ra 98 positibo atzeman dituzte Tolosaldean. Araban, Bizkaian eta Gipuzkoan 5.888 positibo izan dira. 741,42koa da azken hamalau eguneko intzidentzia tasa. Une honetan, 273 pertsona daude ospitaleetan, horietatik, 60 pertsona ZIUetan, eta 84 hildako egon dira.
Tolosaldeari begiratuta, aurreko astean Belauntza, Gaztelu eta Leaburu-Txarama bakarrik zeuden eremu gorritik kanpo, baina azken datuen arabera zerrendara gehitu dira Larraul, Hernialde, Bidania-Goiatz eta Altzo. Herri horiez gain, badira gorritik atera ez diren baina azken astean positiborik izan ez duten herriak; Abaltzisketa, Aduna, Alegia, Baliarrain, Berrobi, Lizartza, Orendain eta Orexa.
Osasun eremuei begiratuta, guztiak daude gorrian, eta Tolosaldekoak 728,37ko intzidentzia tasa du.