Osasun Sailak emandako datuen arabera, otsailaren 10tik 16ra 136 positibo atzeman dituzte Tolosaldean. Araban, Bizkaian eta Gipuzkoan 7.770 positibo izan dira. 1.032koa da azken hamalau eguneko intzidentzia tasa. Une honetan, 312 pertsona daude ospitaleetan, horietatik, 65 pertsona ZIUetan. Atzokoan, 6.412 test egin zituzten, eta 1.037 positibo izan ziren.
Tolosaldeari begiratuta, herri guztiak daude eremu gorrian, Belauntza, Gaztelu eta Leaburu-Txarama izan ezik. Hiru horiekin batera, Aduna, Altzo, Berrobi, Bidania-Goiatz, Hernialde, Larraul, Orendain eta Orexan ez dute positiborik izan azken astean. Areta Abaltzisketan, Alkizan, Belauntzan, Gaztelun eta Leaburu-Txaraman ez dute positiborik atzeman azken astean. Osasun eremu guztiak gorrian daude.
Osasun eremuei begiratuta, guztiak daude gorrian, eta Tolosaldekoak 983ko intzidentzia tasa du. 5.000 biztanle baino gehiagoko eskualdeko herrien kasuan, Amasa-Villabonak 1.064ko intzidentzia tasa du, eta Tolosak 855ekoa.