Aiztondoko herri mugimenduak deituta osasun sistema publikoaren aldeko elkarretaratzea egingo dute asteazkenean Villabonan. 19:00etan elkartuko dira Errebote plazan eta bertan «azken hamarkadetako neoliberalismoak, gure osasungintza publikoan ondorio larriak» eragin dituela salatuko dute.
«Osasungintzan inbertitzen ez denean eta osasun langileak hezi, formatu eta kontratatzen ez direnean, herritarron funtsezko eskubidea den zerbitzu publikoa suntsitzen hasten da», esan du herri mugimenduak Aiztondoko udaletan aurkeztutako mozioetan. Besteak beste, Villabonako eta Zizurkilgo udaletan onartu dute mozioa. Pandemiaren aurrean osasungintzako agintariek harturiko lehen erabakia «ardura gainetik kentzea eta bera indibidualizatzea» izan dela diote mozioan.
Horiek horrela, pandemiari aurre egiteko neurri eraginkorrak hartzea eta etekin ekonomikoa edo kontrola helburu dutenak baztertzea, osasungintzaren pribatizazioarekin amaitzea eta txertoen patentea publifikatzea eskatuko dituzte elkarretaratzean.
Koronabirusa
Osasun sistema publikoaren aldeko elkarretaratzea
Aiztondoko herri mugimenduak deituta mobilizazioa egingo dute bihar Villabonan, 19:00etan hasita.
Erlazionatuak
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!