Espero zena egin du Labi aholku batzordeak, hau da, egun indarrean dauden neurriei eustea otsailaren 13ra arte. Hala iragarri du Gotzone Sagardui Osasun sailburuak.
Merkataritza gizarte eta kultura jarduerak 01:00eean ixten jarraituko dute, beraz. 02:00etan geldituko dira garraio publikoak.
Azken 14 egunotako intzidentzia tasa jaisten jarraitzen duela adierazi du Sagarduik, baina azken zazpi egunotako datuek erakusten dutela jaitsiera hori moteltzen ari dela. Halere, egunero 5.000 positibo gehiago atzematen ari direla adierazi du. Hori dela eta, neurriei eustea erabaki dute.
Gaur 18:00etarako zegoen deituta Labi batzordearen bileraren osteko agerraldia. Bilera 16:30ean zen hastekoa. Iñigo Urkullu lehendakariak eskatu zuen aurretik neurriei eusteko, eta Batzorde Zientifikoa ere horrekin ados zegoela gaineratu zuen.
Jarraitu irakurtzenBerrian.
Jaurlaritzak epaitegiei eskatu die baimena neurriak luzatzeko, eta datorren asteartean aztertuko dute gaia epaiAldaketa bat asteartean iragarri zuen Jaurlaritzak: eskola kirola baimentzea gaurtik aurrera. Urtarrilaren 4an erabaki zuten eskola kiroleko lehiaketak bertan behera uztea; entrenamenduak, berriz, mantendu egin zituzten. Kirol federazioen artean haserrea eragin zuen erabakiak, eta Gipuzkoako hamazazpi federaziok Eusko Jaurlaritzari eskatu zioten lehiaketak berriz egin ahal izatea. Federazioen arabera, eskola kirola eten izanak ez du izan «oinarri zientifikorik», irailetik ez baita «ondorio ezkorrik» agertu. Arabako eta Gipuzkoako aldundiek ere eskaera bera egin zioten joan den astean
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
