Errefuxiatu sahararren aldeko bilketa

Goizean zehar, Tolosako eta Villabonako supermerkatuetan, janari, higiene produktu eta material bilketa egingo du Tolosaldea Sahararekin elkarteak, saharar errefuxiatuen kanpamentuetara bidaltzeko. Lekaleak, pasta, arroza, azukrea, olioa, eta atuna eta sardinak oliotan bildu nahi dituzte; baita konpresak, haur eta helduentzako pixoihalak eta eskolako materiala ere. Eskualdeko gainerako herrietan, otsailaren 4ra arte egingo dute bilketa, ikastetxe, udaletxe eta dendetan.