Osasun Sailak emandako datuen arabera, urtarrilaren 20tik 26ra 770 positibo atzeman dituzte Tolosaldean. Araban, Bizkaian eta Gipuzkoan 34.887 positibo izan dira. 3.551koa da azken hamabost eguneko intzidentzia tasa. Une honetan, 649 pertsona daude ospitaleetan, horietatik, 103 pertsona ZIUetan. Atzokoan, 15.457 test egin zituzten, eta 6.032 positibo izan ziren.
Tolosaldeari begiratuta, Baliarrain eta Gaztelu dira azken zazpi egunetan positiborik izan ez duten herri bakarrak, eta, gainera, Gaztelu eremu berdean dago. Gainerako herri guztiak gorrian daude, baita osasun eremuak ere.