Askotarikoa bezain aberatsa da Tolosaldea. Bada nora joan, zer dasta, zer ezagutu. Baita zer bizi ere. Natura, gastronomia eta kultura dira nagusi; eta sustraiek nola, guztiek dute lurra jatorri.
Tolosaldeak bere sustraiak errespetatu, landu eta bere horretan mantendu ditu belaunaldiz belaunaldi. Baita sustrai horietan oinarritutako egitasmo berritzaileak garatu ere. Eta, horrek guztiak, benetakotasuna ematen dio gure eskualdeari.
Bisitarien begietara autentikoa da Tolosaldea: landa-eremuko bizitza, euskal kulturaren aniztasun eta berezitasuna, naturaguneen lasaitasuna edota bertako produktuen kalitatea bertatik bertara ikusi, sentitu eta dastatzeko aukera eskaintzen baitie turistei.
Hain zuzen, hori guztia islatzea da eskualdeko marka turistiko berriaren xedea.
Tolosaldea Turismoa sare sozialetan
Facebook: Tolosaldea Turismoa
Twitter: @tolosaldeaturis
Instagram: @tolosaldea