Gipuzkoako Foru Aldundiak COVID-19ari lotutako adinekoen zentroetako egoerari dagozkion datuak eguneratu ditu. Horiei begiratuta, atzo 130 positibo berri atzeman zituzten Gipuzkoako adinekoen zentroetan, horietatik, hiru Tolosaldekoetan. Hain justu, Tolosako Iurreamendi eta Uzturre zentroetan eta Villabonako Santiagon positibo berri bana atzeman dute.
Une honetan 28 pertsona daude COVID-19arekin hiru zentro horietan, 19 Uzturre zentroan, 7 Iurreamendin eta 2 Santiagon. Uzturre zentroko 6 egoiliar sendatu direla azken egunetan esan du aldundiak.
Gipuzkoako datuei erreparatuta, 130 positibo berri atzeman dituzte, 133 dira sendatu berriak, eta lau egoiliar hil dira azken egunetan. Erreferentzia zentroetan 41 pertsonak eman dute positibo. Iazko azaroaren 29tik 441 pertsonak eman dute positibo, 366 sendatu dira, eta 15 hil.