Gero eta partida gutxiago falta dira ligaxka amaitzeko eta oraindik emozio handiak bizitzeko aukera izango da binakako txapelketan. Eskualdeko lau pilotariei dagokionez, Baiko enpresan Peña II-Albisu bikoak 13-22 irabazi diote Jaka-Mariezkurrena II bikoteari. Laugarren garaipena lortu dute, beraz, Peña II-Albisuk eta orain bosgarren postuan daude sailkapenean. Jaka-Mariezkurrena II bikoak, berriz, hiru garaipenekin dago eta zazpigarren postuan daude.
Aspe enpresako eskualdeko bi pilotariak euren aurka jokatu zuten, eta Tolosak eraman zuen garaipena. Ezkurdiarekin batera 18-22 irabazi zion Altuna III-Martija bikoari. Ezkurdia-Tolosa bikoteak bigarren garaipena lortu dute eta azken postuan jarraitzen dute sailkapenean. Altuna III-Martija bikoa laugarren postuan dago eta bost garaipen dituzte.
Beste garaipen bat Elizegirentzat
Promozio mailako binakako txapelketan, Elizegi eta bere aurrelari Bakaikoa maila onean jarraitzen dute. Azken partida ere irabazi dute, 22-13 Alberdi-Uriondo bikoaren aurka, eta bederatzi jardunaldietan zortzi garaipen lortu dituzte. Beraz, sailkapenaren buru jarraitzen dute beste astebetez.