Erreskatea eguerdian egin da, 112 larrialdi zerbitzuek inguruan zebilen beste mendizale baten deia jaso eta gero. Balerdi inguruan 50 metroko altueratik erori da 39 urteko gizonezkoa. Bertara berehala hurbildu dira osasun talde bat, suhiltzaileak eta Ertzaintzaren mendiko erreskate taldeko kideak helikopteroarekin.
Ertzaintzako erreskate taldeko agenteek biktima arroka eremu batean aurkitu dute, eta eroritakoan sufritutako zaurien ondorioz hil dela jakinarazi du Ertzaintzak.