Oria ibaia hazita dator eta atzo iluntzean atera zen Hernialdeko bidegurutze parean. Herrigunera igotzeko errepidea itxita dago beraz, eta bizilagunek bertara joateko Anoetako bidea hartu behar dute.
Bizilagunek salatu dutenez, hilabete batean hirugarren aldia da ingurune horretan ibaiak gainezka egiten duela. Neurriak hartzea eskatu dute.
Ibaiaren maila jaitsi egin da azken orduetan eta trenbide azpiko tunelean pilatutako ura beherantz doa.
