Partida zaila zuen gaurkoan Jakak Beotibarren. Mariezkurrenaren hutsuneaz gain, Zabaleta gehitu behar zitzaion zailtasunari. Nafarra jaun eta jabe izan da hasieratik, eta lizartzarrak ahal zuen guztia egin duen arren 22tik urrun geratu da. Hala eta guztiz ere tanto ikusgarriak jokatu ditu Jakak eta zaletuak gogotik egin diote txalo.
Sailkapen nagusian 3 garaipenekin jarraitzen dute Jakak eta Mariezkurrenak. Zabaleta eta Elezkanok zazpitik sei irabazi dituzte.
Astelehenean, urtarrilaren 3an, Tolosan zazpigarren jardunaldiko azken partida jokatuko da. Ezkurdia-Tolosak Urrutikoetxea eta Aranguren izango dituzte aurkari.