Bertan behera geratu den azkena Ibarrako Urtezahar Krosa izan da. Herenegun eman zuten horren berri antolatzaileek sare sozialen bitartez. Aurten bederatzigarren aldiz egingo litzateke krosa, baina antolakuntzatik adierazi dutenez, ezin dute bermatu nahi bezala antolatzea.
Aurreko astean jakinarazi zuten Zunbeltz eta Urkamendi elkarteetako antolatzaileek Villabona eta Zizurkil arteko Urtezaharreko Krosa bertan behera uzten zutela, eta gauza bera gertatu zen urteko azken egunean Tolosan egiten den Elkartasun Krosarekin, Samaniego eta Orixe eskoletako kirol batzordeak horrela erabakita. Alegian egiten da ere krosa, baina aurten ez antolatzea erabaki dute.
Bestalde, Asteasun urtarrilaren 9an egitekoa zen VI. Elkartasun Krosa, eta ekitaldia antolatzen duen herritar taldeak eta udalak krosa atzeratzea erabaki dute. Urtarrila bukaeran krosaren data berria zehaztuko dutela jakinarazi dute.
Urtezahar egunean eskualdean hainbat herri kros egiten dira, urteari amaiera emateko kirola eginez. Aurtengoan, baina, ez da horrelakorik izango, antolatzen hasi zirenak bertan behera utzi dituztelako, COVID-19aren inguruan bizi den egoera dela eta.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!