Bizkaiko Santa Marinako eta Basurtuko erietxeetan txertatze prozesuan izandako irregulartasunen inguruko azalpenak eman behar izan zituen Gotzone Sagarduik, arauak zioena baino lehen txertatu zirelako hainbat goi kargu, eta Tolosara egin zuen salto ika-mikak. Tolosako bi kasuren berri eman zuen agerraldi batean eta bi kasu horietan gauzak egoki egin ez zirela erantsi bazuen ere, ez zuten neurri berezirik hartu.
Gainontzean txertaketa prozesuak bere bidea egin du; adinka jarri dituzte txertoak, osasun langileak txertatu dituzte eta biztanleriarik edadetuena ondoren. Martxoan egin zen txertaketa masibo. Tolosako Udalak Beotibar pilotalekua Osakidetzaren esku utzi zuen eta azken asteetan Emakumeen Etxean ari dira txertoa ematen; bai hirugarren dosia, eta baita besteak ere. Haurrak izan dira txertatzen azkenak eta urtekari hau prestatzean 9 eta 11 urte artekoen txanda zen.
Txertaketarekin batera COVID ziurtagiria da albiste. Jada ostalaritzan, kultur jardueretan eta bestelako ekitaldian ari dira eskatzen, baita Asuncion ospitalean ere.
2021 urtean txertaketa eta COVID ziurtagiria izan dira albiste. Eremu gorrien festan ari ginela txertaketa iritsi da eta lehen aste horietan irregulartasunak izan ziren albiste.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!