Urte amaierako batzar nagusia egin du UEMAk gaur goizean Idiazabalen. 2021ean egindakoaren balantzea aztertu eta 2022rako egitasmo nagusiak onartzeaz gain, Udalerri Euskaldunen Mankomunitatera gehitzeko herri berriek egindako eskaerak ere onartu dituzte batzarkideek. Horrela, gaurtik aurrera, Bidania-Goiatz, Elduain, Ibarra eta Idiazabal ere UEMAko kide dira. Batzarrean parte hartu dute eskualdeko udaletako ordezkariek.
Zehazki, 94 udalek osatzen dute orain mankomunitatea, guztien artean 275.000 biztanleko lurgune euskalduna ordezkatuz.