Bedaiorako errepidea konpondu ezean, autobusik ez da pasako

Tolosaldeko Ataria 2021ko abe. 10a, 16:17

Pasa den astetik Bedaiora doan bidea bi lekutan erortzen hasi da. Gaur, ez da eskolako haurren garraioa egiten duen autobusa pasa, eta konpondu ezean, ez duela Bedaiorako biderik egingo jakinarazi diete gurasoei.

Bedaiora doan errepidea egoera txarrean dago, eta pasa den asteaz geroztik errepidea bi tokitan erortzen hasita dago.

Euriak atsedenik hartzen ez duenez, gaur, jada, eskolako haurren garraio zerbitzua egiten duen autobusak ez du Bedaiorako biderik egin. Zerbitzua "modu ziurrean" ematerik ez duenez, aurrerantzean, hau da, bidea konpondu bitartean, umeak Ugarteko zerrategian jaso eta utziko ditu autobusak. Hori jakinarazi diete gurasoei Amezketako eskolatik. 

Bestetik, Amezketako baserri batzuetara doan bideak ere, luizi bat tarteko, Bedaioko errekan bukatu du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!