Osasun sailak emandako azken datuen arabera, eskualdeko herri gehienak eremu gorrian daude intzidentzia tasari erreparatuz gero. Berdean dauden herri bakarrak Aduna, Alkiza, Gaztelu eta Leaburu-Txarama dira. Lau horri horiek gainera, ez dute positiborik izan azken egunetan.
Badira astelehenetik atzora bitarte positiborik izan ez duten herri gehiago ere (Abaltzisketa, Altzo, Baliarrain, Herrialde, Ikaztegieta, Larraul, Lizartza, Orendain eta Orexa), baina hala ere, eremu gorrian daude. Baliarrainek du intzidentzia tasarik altuena (6.666,67).
ESIei dagokienez, Tolosaldekoa gorrian dago 1.263,41eko tasarekin, eta zonaldeka ere gorrian daude; Ibarrak 1.288,18ko tasa du, Tolosak 1.282,48koa, Alegiakoak 1.161,58 eta Villabonak 1.089,61ekoa.
Araba, Bizkai eta Gipuzkoan 1.421 positibo berri atzeman dituzte, 293 pertsona ospitaleratu dituzte eta 73 pertsona daude ZIUetan.