Osasun sailak emandako datuen arabera, eskualdean azaroaren 29tikabenduaren 5era 349 positibo egon dira. Araba, Bizkaia eta Gipuzkoan 9.608 izan dira, eta intzidentzia metatuaren tasa 724,78koa da. Gipuzkoako tasa 1.177,17koa da. Ospitaleetan 266 pertsona daude egun COVID-19arekin eta 70 ZIUn. Hemeretzi dira azken astean hil diren herritarrak.
Azken egunari begiratuta, Tolosaldean 32 positibo atzeman zituzten atzo: Tolosan 11, Amasa-Villabonan 6, Ibarran 5, Zizurkilen 3, Alegia, Albiztur eta Anoetan bina eta bakarra Abaltzisketan.
Tolosaldeko 22 udalerri daude 150eko tasatik gora. Horien artean, nabarmentzekoa da Baliarrain. Azkeneko zazpi egunetan 10 lagun kutsatu dira eta 6.666koa du intzidentzia tasa. Azkeneko astebetean kutsaturik ez da izan Adunan, Alkizan, Belauntzan, Berrobin, Gaztelun eta Leaburu-Txaraman. Osasun eremuei dagokienez, Alegiakoa (997), Ibarrakoa (1.198), Tolosakoa (1.224) eta Villabonakoa (1.089) gorrian daude. Baita, Tolosaldeko ESIa (1.246) ere.