Maitatu eta egin ez, berdintsu latinez mezua duten kartelak banatu ditu Galtzaundi Euskara Taldeak etxez etxe. Gaurko egunez hizkuntzaren aldeko mezuak eta hitz onak entzutea oso ohikoa dela dio euskara taldeak, "baina euskaraz hitz egitea da gure hizkuntzaren alde egin dezakegun ekintzarik onena". Euskararen Nazioarteko Egunaren harira prestatutako mezua euskaraz irakurri daiteke, baina baita gazteleraz, arabieraz, errumanieraz eta portugaldarrez ere. "Guztion esku dago euskararen normalizazio" dio mezuak, "gure hizkuntzak hiztun gehiago behar ditu, noski, baina euskaraz hitz egiten dutenekiko jarrera positiboa izateak ere asko laguntzen du. Horregatik, euskaraz hitz egiten ez dakizuenek ere baduzue gure hizkuntzaren alde egiteko aukera: euskaraz ulertzen baduzue euskaldunari euskaraz zuzentzeko esanez, euskarazko hitzak erabiliz, eta noski, euskaraz ikasiz, euskaldunari euskaraz egiten uztea, euskararen alde egitea baita".
Euskararen Eguna 2021
Kartelak, kontzientziak pizteko
Euskararen Nazioarteko Eguna da gaur, eta eskualdeko etxe askotako atarietan mezu berezia utzi du Galtzaundi Euskara Taldeak.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!
EGIN ATARIKIDE!