133 positibo atzeman dituzte astelehenetik atzora bitarte, Tolosaldean; 51 Tolosan, 32 Amasa-Villabonan, 12 Ibarran, 8 Zizurkilen, 7 Asteasun, 6 Iruran, 5 Alegian, 3 Albizturren, bina Anoeta, Hernialde eta Bidania-Goiatzen, eta bana Elduain, Ikaztegieta eta Altzon. Herri horiek guztiak gorrian daude. Eta baita Amezketa (326,09 intzidentzia tasa), Baliarrain (606,06), Berastegi (190,11), Lizartza (1.386,75) eta Orexa (2.830,19) ere, nahiz eta azken egunetan ez duten positiborik izan. Badira berdean dauden herriak ere: Abaltzisketa, Aduna, Alkiza, Belauntza, Berrobi, Gaztelu, Larraul, Leaburu-Txarama eta Orendain.
Tolosaldeko ESIari dagokionez, kolore gorrian dago 1.137,52ko intzidentzia tasarekin, eta zonaldeka ere gorrian daude: Alegiako ESIak 744,60ko tasa du, Ibarrakoak 918,25, Tolosakoak 1.071,14 ea Villabonakoak 958,11.