Osasun sailak emandako datuen arabera, eskualdean azaroaren 15etik 21era 206 positibo egon dira. Araba, Bizkaia eta Gipuzkoan 4.038 izan dira, eta intzidentzia metatuaren tasa 300,68koa da. Gipuzkoako tasa 510,37koa da. Ospitaleetan 168 pertsona daude egun COVID-19arekin eta 31 ZIUn. Bost dira azken astean hil diren herritarrak.
Azken egunari begiratuta, Tolosaldean 21 positibo atzeman zituzten atzo: Tolosan 7, Asteasun eta Ibarran 4na, Anoetan 3 eta Iruran, Lizartzan eta Amasa-Villabonan bana.
Tolosaldeko 12 udalerri daude 150eko tasatik gora. Horien artean, nabarmentzekoa da Asteasu (2.307), Anoeta (1.773) eta Hernialdeko (1.639) datua. 5.000 biztanletik gorako herrien kasuan, Tolosak 886ko intzidentzia tasa du, eta Amasa-Villabonak 405ekoa. Osasun eremuei dagokienez, Alegiakoa (580), Ibarrakoa (663), Tolosakoa (802) eta Villabonakoa (745) gorrian daude. Baita, Tolosaldeko ESIa (743) ere.