Saiaz Gizarte Zerbitzuen Mankomunitatea indarkeria matxistaren aurkako protokoloa lantzen ari da, eta bigarren fasea berezitasun batekin jarri dute martxan. Herritarren parte hartzea bultzatuz, herritarrak inplikatuko dituzte protokoloa osatzeko.
Uda aurretik egin zuten lehen fasea, eta astelehenean ekin zioten bigarren faseari. Albiztur, Bidania-Goiatz, Beizama eta Errezil herrietako ordezkari politikoak, elkarteak, eragileak eta herritarrez osatutako taldea bildu zen, eta "faseari hasiera bikaina eman zitzaion", adierazi dute mankomunitatetik.
Hurrengo saioa hilaren 30ean, asteartean, egingo dute, eta landuko diren gaiak eta parte hartuko dutenak aurreratu dituzte: Osakidetza, Ertzaintza eta herritarrak.
