Euskadiko Txapelketan urrezko domina lortu zuen Lekuonak eta zilarrezkoa Tardiok, eta iparraldeko sektoreko lehiaketan parte hartzeko txartela lortu zuten orduan. Hori horrela, pauso bat aurrera eman du Tardiok, oraingoan urrea lortuz. Biak ala biak, abenduaren 6an lehiatuko dira Madrilen jokatuko diren finaletan.
Bestalde, Unai Saralegi eta Unai Regillaga judokek kata modalitateko Iberiar Sarian lehiatu ziren Caceresen (Espainia), eta hirugarren postua eskuratu zuten. Hurrengo erronka Espainiako Txapelketa izango dute, abenduaren 5ean Madrilen jokatuko dutena. Saralegik eta Regillagak urriaren bukaeran Munduko Txapelketan parte hartu zuten lehen aldiz, eta 13. postuan sailkatzea lortu zuten.